Verslawing

CAB Atlantis / CAD Tableview

Kontakbesonderhede

CAD Tableview: Niel Steyn – niel@echoyouth.co.za / 084 688 1080

CAB Atlantis: Elmarie Dercksen – elmarie@ngkbloubergstrand.co.za / 083 276 4944

 

 

Agtergrond

Die Christelike Afhanklikheid Diens is al jare deel van die NG Kerk en VG Kerk se bedienings. Hier word mense en gesinne wat deur middelafhanklikheid beïnvloed word ondersteun, raad gegee en hoop geskep.

 

CAB Atlantis

Ons konneksie met Atlantis en die VGK Wesfleur kom al jare aan. Aanvanklik was ons betrokke by ʼn kleuterskool in die omgewing. Die skooltjie moes intussen sluit, maar ons het steeds by die mense betrokke gebly. Daarom ondersteun ons die CAB program in Atlantis deur ʼn maandelikse finansiële bydrae te maak. Ons besoek hulle ook nou en dan om die vennootskap te versterk.

 

CAD Tableview

Die CAD Tableview groep kom op ʼn Ad Hoc basis bymekaar. Die nood ten opsigte van middelafhanklikheid kom en gaan en daarom is die groep nie permanent bymekaar nie. Soos die nood egter ontstaan, kom die groep ook bymekaar. Wanneer die groep aktief is, kom dit op ʼn Maandagaand, 17:30 by NG Kerk Tableview bymekaar (net voor die gemeenskapsete).

 

Hoe om betrokke te raak:

  1. Indien jy of iemand wat jy ken deur middelafhanklikheid geraak word, kom woon ’n byeenkoms by op Maandae aande, 17:30 by Tableview Gemeente, Greylaan 41. Kontak Niel om te hoor wanneer die groep weer bymekaarkom.
  2. Wees op die uitkyk vir geleenthede wanneer ons die CAB groep in Atlantis gaan besoek.