Nuus

Kerk Bike Breakfast Run

Ons is baie opgewonde om ons eerste motorfiets saamtrek te hou in baie jare! Ons vertrek om 08:00 vanaf die kerk en eet ontbyt by Grille Shack net buite Gordonsbaai op die R44.

Almal is welkom, bespreek asb. op Whatsapp (065 972 8215) met “BIKE – Jou naam” sodat ons die getalle vir die restaurant kan gee.

Navrae: Thinus Britz 082 603 5508

Nuwe e-pos adres vir die kantoor

Ons kantoor e-pos vir Lienie het verander. Die ngkblouberg@mweb.co.za is nie meer in werking nie. Gebruik asb die NUWE adres:

kantoor@ngkbloubergstrand.co.za

E-pos gestuur oor die heropening van eredienste

Ons het vanoggend ‘n e-pos ook gestuur oor ons besluit oor die heropening van eredienste.

Eredienste: ons is nog geduldig

Hier is ons besluit aangaande die oopstel van Eredienste in die volgende maand of twee.

Ja vir (klein) eredienste op vlak 3

Gelowiges sal eersdaags weer saam kan aanbid, het president Cyril Ramaphosa in ’n regstreekse uitsending aan die nasie gesê. Maar wel met streng voorskrifte.

“Soos ons na Vlak 3 beweeg op 1 Junie besef ons die diep begeerte onder geloofsgroepe om terug te keer na hulle pligte,” het Ramaphosa oor die jongste aanpassings in die regulering van openbare saamtrekke soos eredienste gesê.

Kerke, sinagoges, moskees en tempels mag (tydens Vlak 3) dienste hervat, maar saamtrekke sal beperk word tot 50 mense of minder afhangend van die grootte van die venues, het Ramaphosa tydens die toespraak, wat sowat 15 minute geduur het, gesê. Sosiale afstande sal gehandhaaf moet word en gesigmaskers sal gedra moet word.

Alle geloofsrituele wat selfs die minste risiko (vir die oordra van Covid-19) behels, moet vermy word. “Sanitasie is van groot belang,” het Ramaphosa gesê.

Wat wys Badisa navorsing?

Blitsnavorsing is gedoen met veertien Badisa bestuurders wat ’n toesigfunksie verrig oor 250 maatskaplike werkers, hulpwerkers en gemeenskapsontwikkelaars van 79 programme wat tydens die grendeltyd essensiële dienste lewer. Dit is opvallend hoe ooreenstemmend die belewenis, uitdagings, vrese én vreugdes van hierdie kollegas van die kerk is met die van ons eie kerkleiers. Is leraars en maatskaplike werkers nie beide gewoond aan naby verhoudings met mense oor diep emosies, trauma en die bou van vertroue en veilige ruimtes nie? Voel beide beroepe nie uitgedaag en hande vasgebind in hierdie moeilike werklikheid van afstand nie?

Werkers by familie- en gesinsorgprogramme vertel dat aanmeldings geweldig afgeneem het tydens die grendeltyd, maar dat dit eintlik ’n bron van kommer is. Die inperking verhoed waarskynlik mense om hulp te kom soek. Voeg hierby dat telefoniese en virtuele ondersteuning nou lugtyd of data vra en almal dit nie kan bekostig nie!

Talle maatskaplike kantore word deur die staat aangewend om assesserings t.o.v. voedselnood te doen. Die maatskaplike werkers doen dit, maar sê dat hulle nie verder betrokke is om te verseker dat kos wel by geïdentifiseerde persone uitkom nie. Daarom is Badisa kantore dankbaar wanneer daar ’n goeie netwerk met die plaaslike gemeente en ander rolspelers in die gemeenskap kan wees om te verseker dat honger mense kos kry. Net soos by die kerk staan voedselnood tans kop en skouers uit by die behoeftes wat deur ons maatskaplike werkers geïdentifiseer word. 

Die navorsing het net weer bewys dat maatskaplike werkers, met waardering gesê, ’n baie spesiale spesie is! Net soos baie ander, skemer daar kommer deur oor werksekerheid en blootstelling aan die virus, maar die oorwegende gesindheid uit die respondentegroep is ’n bereidwilligheid en begeerte om mense in hierdie tyd te help en te beskerm. Dit geld veral ook vir diegene wat met ons mees kwesbare groepe soos bejaardes en gestremdes werk. Net soos ons gemeenteleiers het hierdie groep kollegas ook ’n behoefte aan geestelike en emosionele ondersteuning. Kom ons reik uit na ons Badisa-familie in hierdie tyd!

Gemeente Brief - Mei 2020

Hier is ons volgende gemeente brief. Ongelukkig kan ons slegs elektroniese briewe stuur omdat die posdiens nog buite werking is tydens grendeltyd. Indien jy nog nie ons briewe elektronies ontvang nie, stuur asb jou korrekte e-pos adres na kommunikasie@ngkbloubergstrand.co.za sodat ons jou op die verspreidingslys kan plaas. As jy glad nie toegang tot e-pos het nie, stuur ‘n Whatsapp boodskap na 065 975 8215 sodat ons vir jou die brief kan stuur.

In Gesprek met Lydia Fourie

Liefhebbers van worship in die kontemporêre styl sal hierdie geselsie baie geniet. Worshipleiers regoor die wêreld maak nou nuwe planne om God se waarhede te verklaar omdat ons nie in kerke bymekaar kan kom nie. Lee-Ann gesels met Lydia Fourie van Secunda.

In Gesprek met Juli Kilian

Stefan gesels met Juli Kilian, oud-politikus en pas afgetrede gemeentelid, oor grendeltyd en DIY. Hierdie is ‘n lekker een om te kyk!

Nog honger mense kry kos

Om honger en sonder kos te wees het die afgelope lang naweek vir 3 005 kinders en volwassenes in die Table View area en Atlantis verander. ‘n Groot dankie vanaf BMD aan AgriSA en die boer wat dit moontlik gemaak het. Ook aan Coolguys vir 400 liter sop en almal wat vrywillig gehelp het. Julle sterre skyn blink in die naghemel! Mag Jesus julle ryklik seën.

Coolguys – Johann van Staden
sales@coolguys.co.za

In gesprek met Johann van Staden

Lee-Ann gesels met Johann van Staden, een van ons gemeentelede wat tans in die voorste linies van kosvoorsiening staan. Hy vertel watter verskil ons gemeente ook maak, saam met Thamar van BMD, om aan behoeftiges te voorsien. ‘n Gesprek wat jou met ‘n warm hart sal laat, moet dit nie mis nie!

Local is Lekker

BMD – Thamar Jacobs
021 554 3268 / thamar@ngkbloubergstrand.co.za

Kosvoorsiening

1.Al die mense aan wie ons gewoonlik kos voorsien, word steeds goed versorg.

2.As ‘n gemeentelid nood het, kan hulle ‘n epos stuur na Thamar Jacobs (ons maatskaplike werker) by thamar@ngkbloubergstrand.co.za of haar skakel by 021 5543268. ‘n Saamgestelde kospakkie met die waarde van R300 sal wettig en higiënies by hul huis afgelewer word.

3.As jy ‘n bydrae wil lewer vir behoeftiges in hierdie tyd, kan jy dit inbetaal in die kerk se rekening en merk ‘Alimentasie‘ of Grendeltyd Kos‘. Ons onderneem om dit slegs hiervoor te gebruik.

Kerkbode - digitaal beskikbaar

Omdat die aflewering van die gedrukte weergawe van die Kerkbode tydens die grendeltyd nie moontlik is nie, het ons ‘n spesiale e-koerant beskikbaar gestel.

Die webskakel hieronder neem jou na die sogenaamde “e-koerant”. Dit wil sê die digitale weergawe van die gedrukte koerant wat hierdie Sondag (omslagdatum 17 April) by julle gemeente sou wees indien ons in eenvoudiger tye geleef het.

Spesiale e-koerant

Ons tuisbly kalender (deel 2)

Ons het solank ons Huisgeloof Tuisbly kalender begin uitbrei met nog ‘n paar gedagtes of idees vir julle om as gesin saam te doen (wanneer die huiswerk klaar is). Julle kan die PDF weergawe hier aflaai.

Ons dink aan julle en bid vir julle. Ons hoor ook graag hoe dit met julle gaan. Laat weet ons asseblief deur te bel, ‘n e-pos te stuur of sommer net te whatsapp.

In gesprek met Damian Engelbrecht

Ons teologiese student Stefan de Klerk gesels met Damian Engelbrecht, boer van Bapsfontein (en Boer Soek ‘n Vrou) oor positief bly.

Dis in haak om uitgehaak te voel - Thamar Jacobs

“Om jou vryheid te verloor is ‘n geweldige skok. As jy heeldag leef met ‘n vooruitsig van vryheid en jy hoor dat dit nie binnekort gaan gebeur nie, kan dit verpletterend wees”  (Aanhaling: Monique Strydom)

Haar verhaal van 127 dae se wanhoop en wonderwerke soos aangeteken in die boek Vrygekoop spreek vandag tot my.

Alhoewel ons dit heel moontlik verwag het, was die hoop altyd daar dat dit nie so sou uitdraai vir Suid Afrika nie. Nou is ons vasgevang in verdere weke van isolasie.  Die hoop dat ons roetine na normaal sou teruggaan, is skielik nie meer realisties nie.

Elkeen van ons beweeg in hierdie ongekende tyd teen ons eie pas, en het nodig om te vind wat vir ons werk. En daar is niks mee fout nie. Wat vir een persoon goed is, het nie dieselfde impak op iemand anders nie. Sommige dae voel mens se gemoed beter as ander tye.

Jy mag dalk moontlik gouer moeg voel weens stres hormone en die manier hoe jou liggaam hierop reageer. Doen dus net wat goed is vir jou in jou spesifieke omstandighede en fokus op wat jy kan beheer.

In ‘n gesprek met die Daily Mail Australia noem Dr. Anne Marie Collins dat om kontrole oor jou lewe en toekoms te verloor baie oorweldigende emosies tot gevolg het. Dit is soos om te rou. Die virus het eweskielik ‘n verlies aan struktuur en sosiale kontak veroorsaak en almal moet noodgedwonge ‘n nuwe roetine skep. Dit is egter normaal om kwaad te voel vir diegene rondom jou wat die reëls van isolasie oortree en hulle te blameer. Om hartseer te voel oor jou geliefdes wat ver weg van jou is, oor verlies en te huil is ook ‘n normale reaksie op skok en verandering.

Angs is ‘n swaar gelaaide woord en die idee hieraan kan jou op verskeie vlakke ongemaklik laat voel. Maar dit is weereens ook ‘n baie normale emosie. Ons hoef egter nie toe te laat dat angs ons reis bepaal nie. Omring jou met mense wat vir jou omgee en ondersteun, veral in hierdie tyd van onsekerheid waarin ons onsself bevind. (Met vandag se tegnologie hoef niemand “alleen” te wees nie)

Jy het egter ‘n verantwoordelikheid teenoor jouself en jou naaste met watter gedagtes jy jouself voed. Dis die emosies wat aan hierdie gedagtes gekoppel word, wat bepaal hoe jy in hierdie tyd sal reageer.

Maak gerus met ons kontak indien jy nodig het om met iemand hieroor te gesels.  Ons is hier om die pad saam met jou te stap. (maatskaplike werker of ‘n leraar)

Hoop vervaag nooit en dit is waarna ons almal saamwerk in ‘n poging om hierdie situasie te verander.

In Gesprek met Vanes-Mari du Toit

Lee-Ann gesels met Vanes-Mari Du Toit (Proudfoot) oor tuis bly, fiks bly en naby God bly in lockdown. Vanes-Mari is ‘n voormalige Protea netbalspeler en tv-aanbieder.

In gesprek met Marvin & Sherazaan

Lee-Ann van ons worship span gesels met Marvin en Sherazaan Matthews, gelowiges wat al lankal in China woon, oor hoe om kerk te wees sonder om kerk toe te gaan.

In gesprek met Marco Spaumer

Ons teologiese student, Stefan de Klerk, gesels met Marco Spaumer (gemeentelid) oor hoe dit met hom gaan en hoe hy dit ervaar na  amper een week in die grendeltyd in.

Bemagtiging vir Lockdown

Hier is ‘n paar praktiese wenke vir die grendeltyd vanuit ons BMD kantoor. Mag jy die eerste paar dae van agter slot en grendel nie so vreesaanjaend beleef het nie, maar dit eerder as ‘n rus tydperk beskou. Nie almal van ons is goed met isolasie nie, maar dit kan dalk net ‘n bevrydende tyd wees, so maak die beste hiervan! 

Elektroniese afsprake gaan voort in hierdie tyd, kontak vir Thamar by thamar@ngkbloubergstrand.co.za of 021 554 3268. Ons mag dalk nie bymekaar kan wees in persoon nie, maar met tegnologie is ons nie te ver nie.

COVID-19: Die pad vorentoe vir die kerk

Geliefdes, ons bevind onsself in ongekende tye, meeste van ons het nog nooit iets soos hierdie in ons leeftyd ervaar nie. Oomblikke van krisis is egter juis die oomblikke waarin ons van vooraf kan vra wat dit beteken om kerk te wees en wat die kerk se verantwoordelikheid is. Cyril Ramaphosa het baie akkuraat opgemerk: “Die koronavirus skep ’n nasionale ramp wat minder menslike kontak maar ook méér medemenslikheid van ons gaan vereis.” Lees die volledige brief deur op die skakel te kliek. COVID-19 Brief

Hulpbronne:

1.      Sien die regering se amptelike webtuiste: https://sacoronavirus.co.za/

2.      Die regering se uitstekende Whatsapp hulpbron: Stoor eenvoudig hierdie nommer: +27600123456 en stuur: “hi”. Dit is nie ’n whatsapp groep nie en jy sal nie pespos ontvang nie. Dit verskaf korrekte, opgedateerde inligting met behulp van ’n interaktiewe spyskaart.

3.       Sien die NG Kerk se Pastorale brief aan Sinodes, Gemeentes en Predikante

4.       Publieke Getuienis se webtuiste met goeie inligting en voorstelle: www.publiekegetuienis.org/nuus

5.       NG Kerk Bloubergstrand se YouTube Kanaal (Jy kan “subscribe” tot hierdie kanaal en wanneer jy op die klokkie klik sal jy boodskappe ontvang van nuwe materiaal wat opgelaai is): https://www.youtube.com/channel/UCGQLrJmEytGssfk8RM9P5bw

 

Gemeente Brief - Jan 2020

Ons eerste gemeente brief vir 2020 is in Jan/Feb uitgestuur. Ons gebruik nou Mailchimp om die e-posse te stuur, laat weet asb indien u nie ‘n epos met die brief ontvang het nie sodat ons u besonderhede op ons stelsel kan byvoeg. U kan enige tyd uitteken indien u nie langer briewe van ons wil ontvang nie. Hier is die skakel vir die brief: Jan2020

Gemeente Brief - Mrt 2020

Ons volgende brief is reeds gepos en die e-posse is nou ook gestuur.  Hier is die skakel vir die brief: Mrt2020

VrydagNuus

Lees Nuusbrief

VrydagNuus is die amptelike nuusbrief van die Sinode van Wes-Kaapland. Kliek op die datum om die nuusbrief aanlyn te lees.

18 Okt 2019
11 Okt 2019 (sien Algemene Sinode Sitting nuusbrief hierbo)
04 Okt 2019

Teken In op VrydagNuus

Enige iemand kan inteken op die nuusbrief om dit per e-pos te ontvang. Kliek op die skakel om in te teken.

Teken in op VrydagNuus