Bedienings

Ons hou vas aan die genade met ons oë en hande na buite en maak ons gebruik van verskillende kommissies.

Ons bedienings kommissies fokus op lidmate binne die gemeente. Ons maak grotendeels staat op vrywilligers om ons te help. Lees gerus en kontak ons as jy graag betrokke wil raak by een of meer van ons bedienings.

Blouberg Kids

Ouderdom: 3jr – Gr. 6

Tydens die 08:30 erediens, waar die kinders die eerste deel van die diens bywoon en dan na hul verskeie klassies gaan.

Ons werk om langtermyn verhoudings te vestig en daarom is dit vir ons belangrik dat dieselfde kategeet van Gr. 1 – 6 dieselfde klassie het. Ons spandeer ook ekstra moeite om seker te maak dat die materiaal relevant en goed uitgewerk is. Dit beteken dat ons soms self lessies uitwerk en soms vanuit ’n boekie werk, afhangende van die seisoen. Op dieselfde beginsel probeer ons ook om die kategese klasse te laat aansluit by eredienste. Vir groot dele van die jaar stem die tema van die 8:30 diens en junior kategete met mekaar ooreen. Blouberg Kids het ook ander geleenthede vir kinders, soos ons jaarlikse kamp, speletjiesaande, bakenlesse vir spesifieke grade, en oefening vir ons Kersspel. Hou die kalender en afkondigings dop! So doen ons moeite om seker te maak dat ons kinders op verskeie vlakke aan positiewe verhoudings blootgestel word.

Blouberg Jeug

Ouderdom: Gr.7 – Gr.12

Sondae voor die 18:00 preek. 17:00 tot 18:00.

Ons werk om langtermyn verhoudings te vestig en daarom is dit vir ons belangrik dat dieselfde kategeet van Gr 7 – 11 dieselfde klas het. Ons spandeer ook ekstra moeite om seker te maak dat die materiaal relevant en goed uitgewerk is. Dit beteken dat ons soms self lessies uitwerk en soms vanuit ’n boek werk, afhangende van die seisoen. Op dieselfde beginsel probeer ons ook om die kategese klasse te laat aansluit by eredienste. Vir groot dele van die jaar stem die tema van die 18:00 diens en senior kategese met mekaar ooreen.

Die aanddiens om 18:00 fokus op die jeug.

Koinonia

(Grieks vir samelewing)

Selgroepe

Geloofsvorming is iets wat vir meeste mense ʼn baie persoonlike saak is. Daarom bied die selgroep bediening kleiner groepe waar mense saam kan wonder, dink en gesels oor die lewe en geloof. Ons volg verskillende reekse deur die jaar en jy kan enige tyd kontak maak met ds. Stefan of die vorm invul sou jy deel wou raak van ʼn selgroep. Alle ouderdomme is welkom.

Youtube selgroep video playlist:
Midweek Videos:

As jy by enige groep wil inskakel, voltooi asb. die vorm.

Koinonia

Bybelstudiegroepe.
Op Vrydae oggende is daar twee groepe wat bymekaar kom vir gesprek rondom die Bybel, geloof en die lewe.

Mans

Vrydae oggende om 06:30am

Kontak vir Ds Thinus Britz

Vroue

Vrydae oggende om 09:00am

Kontak vir Ds Elmarie Dercksen

As jy by enige groep wil inskakel, voltooi asb. die vorm.

Jongwerkendes

Die jongwerkendes bediening is gerig daarop om aan mense die geleentheid te bied om deel te vorm van ʼn gemeenskap waar mense tyd saam spandeer en mekaar leer ken. Ons glo dat vriende van uiterste belang is in die proses van geloofsvorming en daarom kuier ons eenmaal ʼn maand saam erens in die mooie Kaap saam. Volg ons gerus op Instagram of Facebook vir meer inligting of kontak vir Ds Stefan by 0729766915.

Encore (60+)

Die Encore-bediening bestaan al baie jare en het almal bo sestig jaar as teikengroep. Ons beplan lekker kuiergeleenthede om mekaar beter te leer ken, asook geestelike groei-geleenthede. Verder wil Encore-vrywilligers na die tienuur-diens beskikbaar wees om nuwe intrekkers te verwelkom. Laastens wil ons uitreik na verswakte en vereensaamde bejaardes. Navrae: ds. Thinus Britz 082 603 5508.

Lief Leed en Lekker

Die Liefde Leed Lekker Sosiale groep is begin om mense die geleentheid te gun om tenminste een keer ‘ n maand sosiaal met ander mense te verkeer. Dis nie net vir enkellopendes nie, maar ook vir getroudes.
Ons probeer om een maand ‘n funksie by die kerk te hou in die saal en een maand weg te gaan om ons mooie Kaapomgewing te gaan verken.

Navrae: Anja Hertong – 082 372 4600

Kuier na kerk

Ons kuier graag na die 10:00 en 18:00 dienste oor ‘n koppie koffie of tee.  Dis ‘n goeie geleentheid om nuwe mense te ontmoet! Om dit moontlik te maak, gebruik ons vrywilligers om te help met die voorbereiding en skink en opruim na die tyd. As jy lus is om by hierdie groep in te skakel, kontak asb vir Juletta Barichievy by 082 353 5365.

Floreer is ‘n self-ontwikkelingskursus om LGBTQ+ Gelowiges te help om hul ware self te herontdek, sodat hulle kan wegdoen met dit wat hul lewens-energie steel en die lewe voluit geniet!

28 Mei tot 23 Julie 2024

Ons wil jou help om jouself te vind en te floreer as ‘n LGBTQ+ persoon in ‘n omgewing van liefde, aanvaarding en ondersteuning. 
 

Koste: *R2970 per persoon.

Dit sluit jou Enneagram verslag (22 bladsye) en toegang tot ons aanlyn platform met verdere kursus-materiaal in. 

*Betaling kan maandeliks in drie gelyke paaiemente gedoen word. 

Om te verseker dat jy die meeste uit hierdie ervaring kry, beperk ons die grootte van die groep. Bespreek dus vandag nog om jou plek te verseker!

Voel jy soms vasgevang, onvergenoegd of selfs moedeloos met hoe jou lewe verloop? Weerhou hartseer oor die verlede of die hoë heinings om jou hart jou daarvan om heelhartig te lewe?

Kom reis saam met ‘n klein groepie geesgenote op ‘n lewensverrykende kursus vir 11 weke.

Aan die einde van hierdie kursus sal jy:

  • deur die impakvolle werking van die Enneagram jou persoonlikheid en die denk- en emosionele patrone wat jou optrede dryf (en jou soms kelder) in diepte verstaan.
  • begrip hê vir jou vrese en skadukant en met meer bewustheid gesonde, liefdevolle verhoudings kan bou.
  • respek en waardering kry vir die nuwe manier waarop jy luister en kommunikeer.
  • tegnieke kan toepas om jou te help om goeie gewoontes te ontwikkel om jou volle liggaamlike, emosionele en kognitiewe potensiaal te bereik.
  • moontlik kan vrede maak met jou unieke storie, bemagtig voel in die keuses wat jy vorentoe maak en op ‘n daaglikse basis meer in harmonie met jou geliefdes lewe.
  • duidelikheid hê oor waar jy jou nou bevind en jou lewe vorentoe aanpak met meer doelgerigtheid, vryheid, gemak, genot en (selfs) opwinding!
© NGKERK BLOUBERGSTRAND.
Alle reg voorbehou.

Wie is ons?

Die NG Kerk Bloubergstrand is ‘n inklusiewe, Christelike geloofsgemeenskap met ons wortels in die gereformeerde tradisie.
Ons hou vas aan die genade met ons oë en hande na buite.

Scroll to Top