Roodt word groot in Pretoria en dink dat hy daar ‘n rustige voorstedelike bestaan sou voer. Hy studeer Teologie aan die Universiteit van Pretoria vir 6 jaar, loop deur Europa met ‘n rugsak vir nog ‘n jaar voordat die weermag hom oproep vir diensplig. Hy werk as weermagkapelaan in Jozini, Durban en Simonstad vir 5 jaar voordat hy ‘n personeelagentskap in Vredenburg aan die Weskus begin. Toe hy nog ‘n tak in Kaapstad oopmaak kon hy nie by ds. Thinus, sy medekapelaan verby ry nie, en is sedertdien by Blouberg Kerk betrokke terwyl hy sy besigheid bestuur.

As waarskynlik die langsdienende proponent in die NG Kerk dien Roodt al sedert 2000 op die kerkraad, en is ‘n stigterslid van BMD. Hy dien op die Weskaap sinode se moderamen en is lid van die Sinodale Taakspan vir Diensverhoudinge.

Die rol wat die kerk speel om saam te bou aan ‘n nuwe Suid Afrika, en die deurslaggewende werk wat Bloubergstrand Maatskaplike Dienste lewer lê hom na aan die hart.